“One Direction” хамтлаг киногоо гаргалаа

Их Британийн “One Direction” хамтлагийнхан өөрсдийнхөө амжилт уран бүтээлийн тухай өгүүлсэн анхны киноныхоо нээлтийг хийлээ. Тус хамтлагийн гишүүдийн хөшиг, тайзны ард дахь амьдралыг харуулсан “One Direction, This is us”киног Mорган Спарлок найруулсан юм байна. Залуусын дунд хүчээ авч байгаа энэ хамтлагийн гишүүд 2010 онд “X-Factor” телевизийн цэнгээнт нэвтрүүлгийн үеэр хоорондоо нэгдсэн түүхтэй юм. Хоёр ч цомгоо гаргаад байгаа “One Direction” хамтлагийн шүтэн бишрэгчид хамтлагийн зүгээс тэдэнд барих шинэхэн бэлгийг хоног тоолон хүлээсэн гэдгээ өгүүлж байна.