Орхон аймагт нөөцийн махыг 30 цэгээр борлуулна

Шударга өрсөлдөөн, хэрэглэгчийн төлөө газрын Орхон аймаг дахь улсын байцаагч Б.Хашчулуун, Аймгийн ХХААГ-ын дарга Ж.Бат-Өлзийгөөр ахлуулсан ажлын хэсэг нөөцийн мах бэлтгэлийн явцтай танилцлаа.

Орхон аймгийн хувьд энэ онд 200 тн нөөцийн мах бэлтгэсэн байна.

Мах бэлтгэн нийлүүлэх аж ахуйн нэгжийн сонгон шалгаруулалтад “Эрдмийт” ХХК, “Жаргалант мах импекс” ХХК-иуд шалгарсан бөгөөд аймгийн хэмжээнд нийт үхрийн мах 80 тн, хонины мах 90 тн, ямааны мах 30 тн-ыг нөөцлөөд байна.

Нөөцийн махыг энэ сарын 15-ны өдрөөс худалдаанд гаргах бөгөөд 30 цэгээр борлуулахаар төлөвлөөд байна.

Эх сурвалж: ШӨХТГ