Орхоны хөндийн соёлын дурсгалт газрын 10 жилийн ой тохиолоо

Дэлхийн өв-Орхоны хөндийн соёлын дурсгалт газрын 10 жилийн ойн хүрээнд “Өнгөрсөн ба өнөө үе” сэдэвт олон улсын эрдэм шинжилгээний хурал энэ сарын 6-нд Өвөрхангай аймгийн Хархоринд боллоо.

Хуралдаанд ХБНГУ, Япон улсын Элчин сайдын яамны төлөөлөл, манай улсын академич, эрдэмтэд оролцон судалгаа шинжилгээ, бүтээлүүдээр илтгэл өрнүүлэн хэлэлцсэн юм.

Дэлхийн өв-Орхоны хөндий нь түүхийн арвин баялаг дурсгалтай төдийгүй байгалийн өвөрмөц сайхан тогтоц, нүүдлийн соёл иргэншлийн цөм, археологи антропологийн дурсгал ихтэй өлгий нутаг билээ.