Орон даяар тарваган тахлын вакцин хийнэ

Эрүүл мэндийн сайдын тушаалын дагуу Тарваган тахлын эсрэг дархлаажуулалтыг долоодугаар сарын гурав дахь долоо хоног буюу энэ сарын 15-наас 19-ны хооронд улсын хэмжээнд зохион байгуулахаар төлөвлөж байна.

Дархлаажуулалтыг явуулахаар Казахстан улсад үйлдвэрлэсэн тарвага тахлын эсрэг 29.800 хүн тун вакциныг 17 аймаг, есөн дүүргийн ЗӨСТ, болон Эрүүл мэндийн байгууллагуудад хүргүүлээд байгаа аж. Дархлаажуулалтад тарваган тахлын голомтот нутгийн хүн ам, малчид, эрүүл мэндийн байгууллага, онцгой байдал, мэргэжлийн хяналт, хууль сахиулах байгууллагын ажилтнууд зэрэг эрсдэлт бүлгийн хүн ам хамрагдах болно.