Орон нутгийн эмч нар 2-3 дахин их ачаалал үүрдэг

Эрүүл мэндийн даатгалын тогтолцоог шинэчилж, эмч нарын цалин хөлсийг нэмэх боломжийг бүрдүүлэх хэрэгтэй гэж Монголын эрүүл мэндийн ажилтны үйлдвэрчний эвлэл үзэж байна. Тухайлбал, орон нутгийн бүсийн оношилгоо эмчилгээний төвд 510 эмч, эмнэлгийн ажилтан ажиллах ёстой гэсэн нормативын заалт бий.

Гэтэл бодит байдал дээр хоёр дахин бага буюу 200 гаруй эмч, мэргэжилтэнтэй ажиллаж байгаа юм. Ингэснээр нэг эмч 2-3 дахин ачаалал үүрч ажилладаг гэж Монголын эрүүл мэндийн ажилтны үйлдвэрчний эвлэлийн дарга Б.Мягмар ярилаа.