Орон нутгийн замд анхаарал болгоомжтой зорчино уу

Архангай аймгийн Цэцэрлэгээс Булган сумын чиглэлд зорчиж явсан суудлын автомашин хад руу тэгнэсэн байдалтай унаж болзошгүй байгаа дуудлага энэ сарын 2-ны өдрийн 03:40 цагт аймгийн Онцгой байдлын газарт ирсэн байна.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид ажиллаж “Toyota Prius” машинаас иргэдийг аюулгүй гарган авч, автомашиныг хад руу унахаас сэргийлжээ.

Иймд орон нутагт зорчихдоо баталгаат зам, гарцаар зорчиж, аюулгүй байдлаа хангахыг ОБЕГ-ын Урьдчилан сэргийлэх газраас анхааруулж байна.