Орон нутгийн замд халтиргаа гулгаа үүсч болзошгүй тул сэрэмжлүүлж байна

Хойд чиглэлд 61 гарам, Баруун турууны даваа, Борнуур, Жаргалант орчим, Өвөрхангай аймагт цас, бороо холилдож орж, Завхан аймгийн Тосонцэнгэл, Дундговь аймгийн Сайнцагаан, Хулд сумдад бороо орж мөн Баянхонгор аймагт шуургатай байна.

Архангай, Говь-Алтай аймагт тэнгэр бүрхэг хур тунадас орж болзошгүй байна. Иймд замын гадаргууд халтиргаа гулгаа үүсч, үзэгдэх орчин хязгаарлагдаж болзошгүй тул оройн цагаар тээвэрлэлт хийж буй жолооч нар хөдөлгөөний аюулгүй байдлыг хангуулж анхаарал болгоомжтой зорчихыг Автотээврийн үндэсний төвөөс сэрэмжлүүлж байна.