Орон нутгийн замд хурд хэтрүүлэхгүй байхыг анхааруулж байна

Орон нутгийг зорьж буй иргэдийг автомашиныхаа хурдыг хэтрүүлэхгүй байхыг Цагдаагийн ерөнхий газраас анхааруулж байна. Ихэнх аймаг нийслэл хоттой хатуу хучилттай авто замаар холбогдсон тул жолооч нар хурд хэтрүүлэх нь их байна. Үүнээс үүдэж осол гарч, олон хүний эрүүл мэнд, амь нас эрсдэж байгааг ЦЕГ-ын Хэвлэл мэдээллийн төвийн ахлах мэргэжилтэн цагдаагийн ахмад Ё.Лхагвасүрэн хэллээ.