Оросын аваргууд “Дэлхийн цом”-д зодоглоно

Сербийн Белград хотод энэ сарын 16-18-нд болох чөлөөт бөхийн “Дэлхийн цом”-ын тэмцээнд оролцох ОХУ-ын эрэгтэй баг бүрэлдэхүүн тодорчээ.

Хойд хөршөөс "Рио-2016" олимпын наадмын аварга, дэлхийн дөрвөн удаагийн аварга Абдулрашид Садулаев, дэлхийн хошой аварга Заур Угуев, дэлхийн аварга Гажимурад Рашидов тэргүүтэй улсын аварга бөхчүүдээ илгээхээр болжээ.

Ганцхан 125 кг-д мөнгөн медальт тамирчин Шамиль Шариповыг шигшээ багийнхан нь итгэл хүлээлгэхээр болсон байна.

ОХУ-ын шигшээ багийн бүрэлдэхүүн

57 кг: Заур Угуев

61 кг. Абасгажи Магомедов

65 кг: Гажимурад Рашидов

70 кг: Чермен Валиев

74 кг: Разамбек Жамалов

79 кг: Ахмед Усманов

86 кг: Даурен Куруглиев

92 кг: Алихан Жабраилов

97 кг: Абдулрашид Садулаев

125 кг: Шамиль Шарипов