Osiris-Rex сансрын хөлөг дэлхий рүү ойртож буй “bennu” нэртэй жижиг гараг дээр очжээ

НАСА агентлагийн бүтээсэн OSIRIS-Rex нэртэй сансрын модуль очих ёстой гараг бүхий цэгтээ хүрч очсон талаар мэдээлж байна. Тодруулбал, дэлхийг чиглэн ойртон ирж байгаа bennu нэртэй жижиг гараг юм.

Тус сансрыг модуль нь жижиг гараг болон томоохон солирын оддыг ажиглах , судлах тухайн гарагийн талаарх мэдээлэл, бүтэц бүхий дээж зэрэг бусад зүйлсийг дэлхийд авчрах зорилготойгоор бүтээгдэж улмаар задгай сансарт анх 2016 онд хүргэгдсэн гэдгийг хэлж байна. НАСА-гийн сүүлд өгсөн мэдээллээр OSIRIS-Rex нэртэй сансрын модуль bennu нэртэй жижиг гарагаас 19 км ийн зайд ойртож очоод байгаа юм байна. Эрдэмтдийн үзэж байгаагаар тус гараг дээр анх 4,6 тэрбум гаруй жилийн өмнө буюу нарны систем үүсэн бие болж байх үед органик гаралтай зүйл байсан хэмээн онцолсон.