Ослын дуудлагыг 24 цагаар хүлээн авна

Тээврийн цагдаагийн алба ирэх сарын 1-нээс эхлэн ослын дуудлагыг 24 цагаар хүлээн авахаар болжээ. Ингэснээр улсын хэмжээнд гарч байгаа бүх ослыг бүртгэх, шийдвэрлэх боломж бүрдэж байна гэж Тээврийн цагдаагийн албаны Захиргааны удирдлагын газрын ахлах мэргэжилтэн, цагдаагийн хошууч н.Галсанжамц ярьсан юм.

Тээврийн цагдаагийн алба зам тээврийн ослыг цагийн хязгаарлалгүйгээр бүртгэж авахаас гадна Албан журмын даатгагчдын холбоотой хамтран утасны апплейкшнийг хэрэглээнд нэвтрүүллээ.

Осол гарсан бүсэд жолооч энэ апплейкшний тусламжтай даатгалаа дуудаж, асуудлаа шийдвэрлэхээс гадна цагдаагийн байгууллагад ослын дуудлага өгөх юм байна.