П.Наранбаяр: Элекрон тамхины хэрэглээ, эрх зүйн орчныг тодорхой болгохоос ухрахгүй

“Тамхины хуулийн хэрэгжилт, тулгамдаж буй асуудал” хэлэлцүүлэг, зөвлөгөөнд Боловсролын сайд П.Наранбаяр, УИХ-ын гишүүд, ДЭМБ-ын Монгол дахь Суурин төлөөлөгч Др Сокорра Эскаланте болон бусад холбогдох албаныхан оролцлоо.

Аливаа хязгаарлалт, зохицуулалт олон нийтэд хүрэхдээ тодорхой эрх ашиг нь хөндөгдсөн сонирхлын бүлгүүдийн эсэргүүцэлтэй тулгардаг ч бид өсвөр насны хүүхдийн эрүүл мэнд, амь насанд аюул эрсдэл учруулж буй электрон тамхины хэрэглээ, түүнд холбогдох асуудлыг судлан, хууль, эрх зүйн орчныг тодорхой болгохоос ухарч болохгүйг Боловсролын сайд П.Наранбаяр онцлов.