П.Өлзийсайханы өмгөөлөгчид эрүүгийн хэрэг үүсгэжээ

Сэлэнгэ аймгийн Цагдаагийн хэлтсийн Эрүүгийн тасгийн дарга П.Өлзийсайханы өмгөөлөгч Л.Баттогтоход СБД-ийн цагдаагийн хэлтсээс эрүүгийн хуулийн 110, 111 дүгээр зүйлд зааснаар эрүү үүсгэн шалгаж байна.

Учир нь өмгөөлөгч Л.Баттогтох 2013 оны есдүгээр сарын 30-нд хэвлэлийн бага хурал зарлаж, “Сэлэнгийн Эрүүгийн тасгийн дарга П.Өлзийсайханыг прокурорууд зохиомол хэрэгт ял тулгаж, заавал хэрэгт унагах гээд улайрч байна. Үүнийг Сэлэнгэ аймгийн орлогч прокурор Ш.Болд-Эрдэнэ захиалан хэрэг үүсгүүлэн хорьж байна” хэмээн мэдэгдсэн юм. Тиймээс Л.Баттогтохыг "бусдаас мөнгө авч, захиалгаар гэмгүй хүний нэр төрийг хэвлэл мэдээллээр гутаан доромжилж, гүтгэсэн” хэрэгт буруутгаж байна.