Р.Гончигдорж мэдээлэл хийнэ

Монгол Улсын ардчилсан шинэ Үндсэн хууль батлагдсаны 22 жилийн ойн өдөр энэ сарын 13-нд тохионо. Энэ ойг орон даяар тэмдэглэн өнгөрүүлэхээр УИХ-ын Тамгын газраас тусгай төлөвлөгөө гарган ажиллаж байгаа аж.

УИХ-ын даргын захирамжаар Үндсэн хуулийн өдрийг тэмдэглэн өнгөрүүлэх комиссыг УИХ-ын дэд дарга Р.Гончигдоржоор ахлуулан байгуулсан байна. УИХ-ын дэд дарга, Үндсэн хуулийн өдрийг тэмдэглэн өнгөрүүлэх комиссын дарга Р.Гончигдорж өнөөдөр 12 цагаас Төрийн ордны Г танхимд Үндсэн хуулийн 22 жилийн ойг тэмдэглэн өнгөрүүлэх арга хэмжээний талаар хэвлэлийн бага хурал хийлгэж, сэтгүүлчдэд мэдээлэл өгнө.