С.Баярцогтыг огцруулах эсэхийг хэлэлцэнэ

Өнөөдөр Төрийн байгуулалтын байнгын хорооны хуралдаанаар Засгийн газрын хэрэг эрхлэх газрын дарга С.Баярцогтыг огцруулах эсэх асуудлыг хэлэлцэнэ.

Учир нь түүнийг гадаадаас хуулийн зөвлөгөө авах нэрийдлээр АНУ-ын гэр бүлийн нэгэн компанид 17 тэрбум төгрөг өгөхөөр төсөвт тусгуулсныг эсэргүүцэж байна хэмээн өнгөрсөн баасан гарагт УИХ-ын гишүүн С.Ганбаатар, Х.Болорчулуун, Ц.Даваасүрэн, Г.Уянга, Л.Цог нар огцруулах саналыг УИХ-ын даргад өргөн барьсан юм. Өчигдөр энэ асуудлыг УИХ дахь АН-ын бүлэг хэлэлцээд энэ тогтоолын төсөл нь гүтгэлгийн шинжтэй гээд С.Баярцогтыг огцруулах шаардлагагүй хэмээн үзсэн бөгөөд өнөөдөр ийнхүү байнгын хороогоор хэлэлцэх юм.