"Сайншанд-2020" өртөөт марафон эхэллээ

Засгийн газрын тохируулагч агентлаг- Биеийн тамир, спортын улсын хорооны даргын 2020 оны А/36 дугаар тушаалаар батлагдсан “Өртөөт марафон 2020” биеийн тамирын үйл ажиллагаа нийт 4 өртөө дамжин зохион байгуулагдана.

Удирдамжийн хүрээнд өнгөрсөн долоо хоногт "Налайх-2020", “Сэлэнгэ-2020” өртөөт марафон амжилттай явагдсан бол өнөөдөр Дорноговь аймагт "Сайншанд-2020" өртөөт марафон нээлтээ хийлээ.

Нээлтийн үйл ажиллагаанд Дорноговь аймгийн ИТХ-ын дарга Б.Ганзориг, Нийгмийн хөгжлийн хэлтсийн дарга Ч.Байгальтуяа, аймгийн БТСГ-ын дарга Г.Батлхам нар оролцлоо.

Өртөөт марафонд ахмадын ангилалд таван баг, залуучуудын ангилалд 16 баг, нийт 21 баг оролцож байна.