Сайд Л.Пүрэвсүрэн Туслах нарийн бичгийн дарга Д.Расселийг хүлээн авч уулзана

Монгол Улсын Гадаад хэргийн яам, АНУ-ын Төрийн департамент хоорондын ээлжит аравдугаар зөвлөлдөх уулзалт 2015 оны есдүгээр сарын 8-нд Улаанбаатар хотноо болно.

Дээрх зөвлөлдөх уулзалтад Монголын талаас Гадаад хэргийн яамны Төрийн нарийн бичгийн дарга Д.Ганхуяг, АНУ-ын талаас тус улсын Төрийн департаментын Зүүн Ази, Номхон Далайн асуудал хариуцсан Туслах нарийн бичгийн дарга Даниел Рассел тэргүүтэй төлөөлөгчид оролцож, Монгол Улс, АНУ-ын харилцаа, бүс нутаг, олон улсын сонирхсон асуудлуудаар зөвлөлдөж, хоёр талын харилцаа, хамтын ажиллагааны ойрын зорилт, төлвийн талаар санал солилцоно.

Түүнчлэн Гадаад хэргийн сайд Л.Пүрэвсүрэн Туслах нарийн бичгийн дарга Д.Расселийг хүлээн авч уулзана.