Сайд нар чуулганы танхимд тусгай суудалтай болно

УИХ-ын чуулганы нэгдсэн хуралдааны үеэр танхимын тодорхой хэсэгт УИХ-ын гишүүн-Засгийн газрын гишүүдэд зориулсан тусгайлсан суудал /блок/ гаргахаар УИХ-ын даргын дэргэдэх зөвлөлийн хурлаар хэлэлцэн шийдвэрлэжээ. Энэ талаар УИХ-ын дарга З.Энхболд өнөөдөр чуулганы хуралдааны үеэр танилцуулсныг гишүүд дэмжсэн юм.

Энэхүү суудлын хуваарилалт ирэх долоо хоногоос хэрэгжих бөгөөд ингэснээр УИХ-ын гишүүн- Засгийн газрын гишүүд нэг дор сууж гишүүдийн асуултад хариулт өгөх, ирц нь тодорхой байх боломж бүрдэх юм байна.