Сайн дураар ургац хураалтанд оролцсон залуусыг хүнсний ногоогоор шагнана

ҮХААЯ, Улсын ургац хураалтын комисс, Монголын Залуучуудын Холбооны дэргэдэх “Залуучуудын хөдөлмөрийн төв бирж” хамтран есдүгээр сарын 1-ний өдрөөс аравдугаар сарын 20-ны хооронд оюутан залуусыг сайн дураар нь намрын ургац хураалтын ажилд оролцуулахаар болсон.

Уг ажлын хүрээнд компаниуд эхнээсээ хүсэлт илгээсэн төдийгүй “Залуучуудын хөдөлмөрийн төв бирж”-д “ЭИ СИ ДИ” ХХК-иас оюутан залуусыг ажиллуулах тухай хүсэлт ирүүлсэн байна. Мөн “ЭИ СИ ДИ” ХХК нь ажиллах хүчний байр, хоол хүнс, ажлын бээлийгээр хангахаас гадна ажилласан хүн бүрийг төмс хүнсний ногоогоор урамшуулах аж.