Самар түүх эрхийн бичгийг нэмж олгохгүй

БОНХАЖ-ын сайдын зөвлөлийн өнгөрсөн хоёрдугаар сарын 9-ний өдрийн хурлын шийдвэрийг үндэслэн самар түүх хугацаанд өөрчлөлт оруулжээ. Ойн дагалт баялгийг хамгаалах, зохистой ашиглах журмын 3.7-д зааснаар хуш модны самрыг аравдугаар сарын 15-наас дараа оны гуравдугаар сарын 15-ны хооронд бэлтгэнэ хэмээн заасан байдаг. Харин энэ жилийн хувьд хур тунадас багатай, хуурайшилт ихтэй байгаа учир хоёрдугаар сарын 10-ны өдрөөр тасалбар болгосон бөгөөд энэ чиглэлийн үйл ажиллагаа эрхлэх эрхийн бичгийг нэмж олгохгүй болохыг мэдэгдсэн байна.