Самар ургасан бүсэд хорио тогтооно

Ойн хөнөөлт шавьж, хортонтой тэмцэхээр энэ жил 80 мянган га талбайд бэлдмэл цацахаар зэхжээ.

Одоогоор тус ажил 40 хувьтай явагдаж байгаа бөгөөд шавьжны биологийн онцлогоос шалтгаалан хор цацахаа түр хойшлуулсан байна.

Удахгүй үлдсэн 50 мянган га талбайд хортон устгах арга хэмжээ авахаар төлөвлөжээ. Тиймээс самар ургасан бүсэд нэг сар хорио, цээрийн дэглэм тогтоохоор болсон байна. Хэдийгээр самранд хор шингэхгүй ч цацсан даруйд түүж идвэл хүний биед харшил үзүүлдэг аж.

Орон нутгийн удирдлагууд хор цацсан бүсээр аялж, зугаалах, самар, жимс түүхийг хориглож нэг сарын хорио, цээрийн дэглэм тогтоох юм.