Сан Франциско хотод Монголын өв соёлын өдөрлөгийг зохиолоо

Монгол Улсаас Америкийн Нэгдсэн Улсын Сан Франциско хотод суугаа Ерөнхий консулын газар Монголын өв соёлын өдөрлөгийг тус хотод зохион байгуулжээ.

Ерөнхий консул Н.Анхбаяр өдөрлөгийг нээж, хэлсэн үгэндээ Монголын өв соёлыг АНУ-д ийнхүү сурталчлан таниулахад Монгол оюутны холбооны гаргаж буй хичээл зүтгэлийг сайшаан тэмдэглээд, хоёр орны соёл урлагийн солилцоо, хамтын ажиллагааг өргөтгөн хөгжүүлэхийн төлөө иргэдтэйгээ цаашид ч идэвхтэй хамтран ажиллахаа мэдэгдлээ.