Санкт-Петербургт барилгын 350 гаруй ажилчин хоолны хордлогонд оржээ

ОХУ-ын Санкт-Петербург хотын хамгийн том нисэх онгоцны буудал болох “Пулково”-гийн шинэ терминалийг барьж буй барилгын 350 гаруй ажилчин хоолны хордлогонд орж, эмнэлэгт хүргэгдсэн талаар “РИА Новости” мэдээллээ. Тус улсын Дотоодын хэргийн яамны мэдээлснээр, тэдний 25-ынх нь биеийн байдал ноцтой хүнд байгаа аж. Одоогоор яг юунаас хордлого авсан нь тодорхойгүй байгаа ч тахианы махнаас болсон байж болзошгүй гэж таамаглаж байгаа аж.