“Сарлагийн баяр” Өндөр-Хясаад болно

“Сарлагийн баяр”-ыг жил бүрийн долоодугаар сарын 23-нд тэмдэглэдэг уламжлалтай. Өвөрхангай аймгийн Бат-Өлзий суманд болох тус баяраар сарлагийн уралдаан, багийн тэмцээн буюу сарлаг бугуйлдах, булгиулах, дүүгүүр шидэх, поло тоглох болон сарлагийн шилдэг бүтээгдэхүүн, сайхан сарлаг шалгаруулах аж. Сарлагийн гаралтай түүхий эдийн ашиг шимийг сайжруулах, сурталчлах зорилготойгоор зохион байгуулдаг энэхүү баяр Бат-Өлзий сумын Орхоны хүрхрээгээс баруун тийш орших найман км-т Өндөр-Хясаа хэмээх газарт болох юм байна.