Сарлагийн фестиваль зохиогджээ

Өнгөрсөн долоо хоногт Архангай аймгийн Үйлдвэр хөдөө аж ахуйн газар, Их британийн нийгэмд үйлчлэх Тэнгри ТББ, Ногоон алт төсөл, аймгийн Малчдын холбоо ТББ-тай хамтран бод малын түүхий эдээр нэмүү өртөг шингэсэн бүтээгдэхүүн үйлдвэрлэх зорилгоор сарлагийн фестиваль зохион байгуулжээ.

Фестивальд цагаан идээний үзэсгэлэн, сарлагийн хөөврөөр хийсэн гар урлал, хувцас загварын үзэсгэлэн, үзүүлбэр тус тус зохион байгуулагдсан байна. Энэхүү сарлагийн фестивалийг жил бүр Цэцэрлэг хотноо зохион байгуулахаар төлөвлөж байгаа ажээ.