Сэлэмчид Европийг зорилоо

Монголын туялзуур сэлмийн холбооны эрэгтэйчүүдийн шигшээ баг Европийн цуврал тэмцээнүүдэд оролцохоор боллоо.

Багийн бүрэлдэхүүнд “UB Fencing Club”-ийн тамирчин улсын гурван удаагийн аварга, спортын мастер Б.Баттөмөр, улсын аварга Б.Буяндэлгэр нар багтжээ.

Тэд Парис (Франц)-ийн Дэлхийн цом (V.2-3), Берн (Швейцарь)-ийн гран-при (V.9-10), Сплит (Хорват)-ийн Дэлхийн цомын тэмцээнүүдэд тус тус оролцох юм.

Дашрамд сонирхуулахад, өнгөрсөн долоо хоногт эмэгтэйчүүдийн шигшээ баг БНХАУ-ын Шүжоу хотноо олимпийн аварга Хятадын шигшээ болон Италийн фенсингчидтэй хамтарсан бэлтгэл хийсэн байна.