Сэлэнгэ аймгийн Хүдэр суманд гарсан ойн түймрийг цурманд орууллаа

Сэлэнгэ аймгийн Хүдэр суманд энэ сарын 9-нд гарсан түймэр, Булган аймгийн Баян-Агт суманд өнөөдөр буюу 10-нд гарсан ойн түймрийг цурманд оруулж, бүрэн унтраахаар ажиллаж байна.

Мөн Сэлэнгэ аймгийн Ерөө, Түшиг, Хэнтий аймгийн Норовлин суманд гарсан ойн түймрүүдийг унтраах ажиллагаа үргэлжилж байна. Ихэнх нутгаар хуурайшилт өндөр, түймэр гарах эрсдэл их байгаа тул иргэн бүрийг түймрийн аюулаас сэрэмжтэй байхыг анхааруулж байна.