Сэлэнгэ аймгийн Сант сумын нутагт газар хөдөлжээ

Өчигдөр буюу хоёрдугаар сарын 15-ны ням гарагийн оройн 19:51 цагт Сэлэнгэ аймгийн Сант сумын Хушаат багийн нутаг /сумын төвөөс зүүн хойд зүгт 24 км-т/ “Дулааны-Ар” гэдэг газар /У-105068I00II; Ө-49035I00II/-т 3.5 магнитутын хүчтэй газар хөдлөлт бүртгэгджээ. Тус сумын Засаг дарга Д.Өлзийбадрахаас тодруулахад газар хөдлөлтийн чичирхийлэлт зарим иргэнд мэдрэгдсэн ч учирсан хохирол байхгүй байлаа гэж гэж Онцгой Байдлын Ерөнхий Газрын Гамшгийн Шуурхай Удирдлагын Газраас мэдээллээ.