Сэтгүүлчид даатгалд хамрагдлаа
"Практикал" даатгал компанийн хамт олон өнөөдөр амласан ёсоороо урлагийн их наадамд амжилттай оролцсон сэтгүүлчдэд нийт 90 сая төгрөгийн даатгалын гэрээ байгууллаа.
Мэдээллийн алба
Монголын хэвлэл мэдээллийн салбарын урлагийн II их наадам өнгөрөгч 10 дугаар сарын 16, 17-ны өдрүүдэд болж өндөрлөсөн билээ. Энэхүү урлагийн наадмын ерөнхий дэмжигч байгууллагаар ажилласан "Практикал" даатгал компанийн хамт олон өнөөдөр амласан ёсоороо урлагийн их наадамд амжилттай оролцсон сэтгүүлчдэд нийт 90 сая төгрөгийн даатгалын гэрээ байгууллаа. Мөн энэ үеэр Монголын Сэтгүүлчдийн Нэгдсэн Эвлэлийн Ерөнхийлөгч Б.Галаарид, Тэргүүн дэд ерөнхийлөгч М.Наранбаатар, Дэд ерөнхийлөгч Х.Батхишиг нар сэтгүүлчдийг уриалж даатгалд хамрагдав. Хэвлэл мэдээллийн салбарт ажиллаж буй сэтгүүлч, зураглаач, найруулагч, нийт албан хаагчид энэхүү сайн дурын даатгалд хамрагдах боломжтой юм байна. Даатгалын хураамж 50'000 төгрөг. Нөхөн төлбөр 5 сая төгрөг аж.
