Ш.Түвдэндорж гишүүн чуулганыг орхиж гарлаа

УИХ-ын нэгдсэн чуулганы өнөөдрийн хуралдаанаар “Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” тогтоолын төслийг хэлэлцэх эсэхийг хэлэлцэж, олонхийн саналаар хэлэлцэхээр шийдвэрлэлээ.

Уг тогтоолын төслийг УИХ-ын гишүүн Ч.Хүрэлбаатар нарын 31 гишүүн 2015.07.02-ны өдөр өргөн мэдүүлсэн юм. Хэлэлцүүлгийн үеэр зарим гишүүн Ю.Цэдэнбал агсны 100 жилийн ойг тэмдэглэхийг дэмжиж байсан ч цагаатгах асуудлыг хамтатган хэлэлцэж байгааг буруутгаж байсан. Тухайлбал, Ш.Түвдэндорж гишүүн энэ цагаатгах асуудлыг оруулж байгаа нь нэг ёсондоо хууль зөрчсөн хэрэг. Гарч байгаа тогтоол нь ч хууль зөрчиж байна. Тиймээс би энэ санал хураалтад оролцож чадахгүй гэсэн юм.