Ш.Түвдэндоржийг сайдад томилох асуудлыг хэлэлцэж эхэллээ

УИХ-ын нэгдсэн чуулганы үдээс хойших хуралдаан эхэллээ. Хуралдаанаар Хууль зүйн байнгын хорооны дарга, УИХ-ын гишүүн Ш.Түвдэндоржийг Үйлдвэр хөдөө аж ахуйн сайдад томилох эсэх асуудлыг үргэлжлүүлэн хэлэлцэж байна.

Хэлэлцүүлгийн үеэр Засгийн газрын тэргүүн нэгэнт Үндсэн хуульд Засгийн газрын гишүүн УИХ-ын гишүүний албыг давхар хашиж болно гэж заасан байгаа тул хориглох зүйл байхгүй гэсэн юм. Түүнчлэн энэ байдлыг үнэхээр эсэргүүцэж байгаа бол ирэх 2016 оны сонгуулиар энэ асуудлыг шийдэж болно, тэгээд ч Үндсэн хуулийг өөрчлөх асуудал яригдана гэсэн тайлбарыг хийлээ.