Шалгуулагсад дүн оноогоо мессэжээр авна

Энэ сарын 5-наас эхлэн орон даяар их, дээд сургуульд элсэгчдийг бүртгэх ЭЕШ-ын бүртгэл эхэлсэн. Үүнтэй холбогдуулан элсэлтийн ерөнхий шалгалтын төвөөс мессэж үйлчилгээг шинээр нэвтрүүлжээ. Энэ нь элсэлтийн ерөнхий шалгалтын системийн нэг хэсэг бөгөөд шалгуулагсад дүн оноо болон бусад хувийн хэрэгцээт мэдээллээ гар утсаа ашиглан мессэжээр хүлээн авах боломжтой аж. Гол зорилго нь ЭЕШ-ын системийг боловсронгуй болгож, илүү хялбар нэмэлт боломж бий болгох, шалгуулагсдыг цаг хугацаа орон зайн хамааралгүйгээр түргэн шуурхай мэдээллээр хангах, цаашлаад гар утсанд суурилсан илүү дэвшилтэт технологийг хөгжүүлэх зорилготой юм байна.