Шатахууны үнэ ойрын өдрүүдэд нэмэгдэхгүй

Газрын тосны газраас шатахууны үнэ ойрын өдрүүдэд нэмэгдэхгүй хэмээн мэдэгдлээ.

Тодруулбал, Засгийн газар, Монголбанктай хамтран хэрэгжүүлж байгаа “Үнэ тогторжуулах хөтөлбөр”-ийн хүрээнд шатахуун импортлогчдод нийтдээ 192 тэрбум төгрөгийг арилжааны банкуудаар дамжуулан, 3.9 хувийн хүүтэйгээр олгосон байна.

Тиймээс одоогийн байдлаар улсын хэмжээнд дунджаар шатахууны 39 хоногийн нөөцтэй байгаа бөгөөд үүнээс А-80 шатахуун 51, АИ-92 автобензин 42, ДТ 47, ТС-1 16 хоногийн нөөцтэй байгаа аж.