Шилэн дансны тухай хуулийн хэрэгжилтийн талаар сургалт хийв

Баянзүрх дүүргийн Засаг даргын дэргэдэх Дотоод аудитын албанаас сургалт зохион байгууллаа. Сургалтын гол зорилго нь Шилэн дансны тухай хууль болон түүний хэрэгжүүлэхэд анхаарах асуудлын талаарх мэдээллийг өгөхөд чиглэсэн байна.
Засгийн газрын 311 дүгээр тогтоол, хэрэгжилт, гарч буй зөрчил дутагдлуудын талаар дэлгэрэнгүй мэдээллийг тус албаны дарга Ө.Мөнгөнцэцэг сургалтад хамрагдсан хүмүүст өгчээ.

Сургалтад дүүргийн ерөнхий боловсролын 20 сургууль, 29 цэцэрлэг, 25 өрхийн эрүүл мэндийн төвийн нийт 74 байгууллагын захирал, эрхлэгч, дарга, нягтлан бодогч зэрэг 120 гаруй хүн хамрагджээ.