Шинэ сум төслийг яаралтай хэрэгжүүлэхийг даалгажээ

Говь-Алтай аймгийн Дэлгэр сум “Шинэ сумын төв” болгох хөтөлбөрт багтсан. Гэтэл ажил нь эхлэхгүй байна, ямар учиртай юм бэ? гэж тус аймгийн иргэн н.Батзаяа “Хурд” агентлагт хандаж мэдээлэл өглөө.

Засгийн газраас энэ жил 16 сумыг “Шинэ сум болгон хөгжүүлэх”-ээр болсон. Үүнд, Говь-Алтай аймгийн Дэлгэр сум багтаж байгаа юм. Тендер зарлаж, мөнгө орж ирээгүй учраас хэд хэдэн сумын ажил зогсонги байдалтай байгаа талаар албаны хүмүүс хэллээ. Харин Засгийн газрын тэргүүн ажлаа яаравчлахыг үүрэг болгожээ.