Шинэчлэлийн хороо мэдээлэл хийнэ

Монгол Ардын намын Шинэчлэлийн хорооноос өнөөдөр 12.00 цагт Тусгаар тогтнолын ордонд мэдээлэл хийхээр болжээ. Тус хорооныхон “Намаа аваръя, төрөө эрүүлжүүлье, нийгмээ хөгжүүлье” аяныг хөдөө, орон нутагт зохион байгуулж буй бөгөөд одоогоор 13 аймагт ажилласан байна.
Өнөөдөр болох хэвлэлийн бага хурлын үеэр Шинэчлэлийн хорооноос аяны санхүүжилт, зардлын тайланг танилцуулахаас гадна хорооноос зохион байгуулж буй бусад үйл ажиллагаа, орон нутгийн дэмжигчдийн санал, дүгнэлт, ирэх сард болох МАН-ын 27-р их хурлын бэлтгэл ажлын талаар мэдээлнэ.