Шинэлэг шийдэл бүхий шүхэр
Эдүгээ дэлхий нийтэд дизайнеруудын ур ухаанаар бүтсэн төрөл бүрийн шүхрийг худалдаалж байна.
Мэдээллийн алба
Өнөөдрийн бидний хэрэглэдэг борооны шүхрийг Манай эриний өмнөх 210 оны үеэс эхлэлтэй хэмээн үздэг. Борооны шүхэр нь тухайн үедээ эвхэгддэггүй буюу ямар нэг байдлаар хумих боломжгүй байсан байна. Харин 1715 оны тавдугаар сарын 4-нд Францын зохион бүтээгч Жан Мариус анхны хумигддаг борооны шүхрийг олон туршилтын судалгааны үндсэн дээр боловсруулан гаргаж иржээ. Мариусийн энэхүү хосгүй бүтээл нь Парис хотод төдийгүй хүн төрөлхтний түүхэнд нэгэн шинэ хувьсгал авчирсан бүтээл болсон юм.
Хэдийгээр шүхэр нь хүмүүсийг бороонд норох, хэт халуунаас хамгаалах зориулалттай ч олон жилийн туршид дизайнеруудын ур ухаанаар хөгжин, баяжсаар байна.
Эдүгээ дэлхий нийтэд дизайнеруудын ур ухаанаар бүтсэн төрөл бүрийн шүхрийг худалдаалж байна. Бид та бүхэнд шинэлэг шийдэл бүхий шүхрийн зургаас толилуулахаар бэлтгэлээ.
