Шри-Ланкад халдлага үйлдэгсдийн нэг нь "Исламын улс"-тай холбоотой байж болзошгүй гэв

Шри-Ланкад цуврал алан хядах ажиллагаанд оролцсон алан хядагчдын нэг нь Сири улсад “Исламын улс” бүлэглэлийн эгнээнд сургалтад хамрагдсан гэх мэдээллийг АНУ-ын засаг захиргаа судалж байна.

Энэ талаар Төрийн департаментын Алан хядах ажиллагаатай тэмцэх асуудал хариуцсан зохицуулагч Нейтан Сейлс Вашингтоны Брукингсийн хүрээлэнд үг хэлэх үеэрээ мэдээлсэн байна.

“Шри-Ланк улсад халдлага үйлдсэн хүмүүсийн нэг нь Сири дэх "Исламын улс"-тай холбоотой байж болзошгүй гэх мэдээлэлтэй бид танилцлаа. Бид энэ мэдээллийг судалж байна” гэж тэрбээр хэлсэн байна.