Шүхэрчин дайчид залуу офицероор эгнээгээ тэллээ
Дэслэгч О.Лхагвасамбуу нь ЗХЖШ-ын даргын тушаалаар Зэвсэгт хүчний 084 дүгээр ангид салааны захирагч албан тушаалд томилогдсон бөгөөд шүхэрчин дайчид шинэ залуу офицероор эгнээгээ тэллээ
Мэдээллийн алба
ХБНГУ-ын Холбооны Зэвсэгт хүчний хуурай замын офицерын сургууль болон явган цэргийн сургуулийг “Шүхэр десантын салааны захирагч” мэргэжлээр 2018-2022 онд амжилттай суралцаж төгссөн О.Лхагвасамбууд ЗХЖШ-ын даргын 2021 оны дугаар тушаалаар олгогдсон дэслэгч цолыг Зэвсэгт хүчний Тусгай хүчний цэргийн командлагч бригадын генерал Б.Баатар 2022 оны 01 дүгээр сарын 20-ны өдөр гардуулан өглөө.
Цол гардуулах ажиллагаанд ТХЦК-ын удирдлага, бие бүрэлдэхүүн оролцож, халуун баяр хүргэж, амжилт хүссэн юм.
Дэслэгч О.Лхагвасамбуу нь ЗХЖШ-ын даргын тушаалаар Зэвсэгт хүчний 084 дүгээр ангид салааны захирагч албан тушаалд томилогдсон бөгөөд шүхэрчин дайчид шинэ залуу офицероор эгнээгээ тэллээ гэж Тусгай хүчний цэргийн командлалаас мэдээллээ.
