Шүлхий өвчний голомттой сумууд өвлийн бэлтгэлдээ гарч чадахгүй байна

Баян-Өлгий аймгийнСагсай, Алтай суманд гарсан шүлхий өвчний халдвар гурав хоногийн өмнө зогссон гэж үзэж байгаа ч хөл хорионы дэглэмийг дахин 20 хоног сунгалаа.

Мөн халдвар тархсан газраас өвс тэжээл бэлтгэхийг хориглож, өвчний голомттой нутгийн хүмүүсийг зайлшгүй тохиолдолд л бусад сум суурин руу зорчихыг зөвшөөрч байгаа ажээ. “Одоогоор 1350 гаруй толгой мал устгаад байна. Алтай суманд гэхэд л нийт үхрийн 10 хувийг устгалаа” гэж Баян-Өлгий аймгийн ХХААҮ-ын газрын дарга Онгар мэдээллээ.