Шөнийн нийтийн тээврийг нэвтрүүлэхэд нарийвчилсан судалгаа хэрэгтэй

"Цагийн хүрд" мэдээллийн хөтөлбөр: Хөндөх сэдэв "ШӨНИЙН СУРВАЛЖИЛГА..." Энэ удаа бид нийслэл хот болон хот хоорондын шөнийн тээврийн үйлчилгээ, хүртээмжийн талаар хөндлөө. Улаанбаатар хотод шөнийн нийтийн тээврийн үйлчилгээ байдаг ч алдагдалтай ажилладаг учраас тогтмол явах боломжгүй байдаг байна. Зуны улиралд алдаг оног явдаг шөнийн нийтийн тээвэр, өвлийн улиралд огт байхгүй. Үүнээс болж иргэд хүйтний улиралд автобус олон минут хүлээх, оройн цагаар ажил нь тарсан иргэд тээврийн хэрэгсэлгүйн улмаас хувийн унаанд сууснаас үүдэн эрсдэлд орох нь их байдаг байна. Мөн хот хоорондын шөнийн тээвэр ч ялгаагүй хүйтэн, цөөн байдаг тухай иргэд ярилаа. /2020.01.14/