Шөнөдөө бороо орж байгаа нь ургац хураалтыг удаашруулж байна

Төв аймгийн зарим сумдад шөнөдөө бороо орж байгаагаас шалтгаалан ургац хураалт удаашралтай байгаа талаар албаныхан мэдээлж байна. Өнөөдрийн байдлаар тус аймагт төмсний 77, хүнсний ногооны 40, тосны ургамлын 20, тэжээлийн 20, удаан буудайн 43, үр тарианы 44 хувийг тус тус хураагаад байгаа бөгөөд цаашид цаг агаарын байдал дээрдвэл ургацаа бүрэн хураах боломжтой талаар аймгийн ХХААГ-ын Газар, тариалангийн ахлах мэргэжилтэн Б.Эрдэнэбат хэллээ.

Түүнчлэн аймгийн хэмжээнд хураан авч буй ургацын хэмжээ 12.6 цн буюу өнгөрсөн оны мөн үеэс өссөн үзүүлэлт болж байгаа ажээ.