Шүүхээс ял сонсогчдын олонх нь 18-30 насныхан

18-30 насны хүмүүс эрүүгийн хэрэгт холбогдон шүүхээс ял сонсох нь хамгийн их байна гэж Шүүхийн ерөнхий зөвлөлийн хийсэн судалгаанд дурджээ.

Тухайлбал, өнгөрсөн онд Анхан шатны шүүх 6375 эрүүгийн хэргийг шийдсэн байна. Хэрэгт холбогдсон иргэдийн олонх нь идэр насны залуус байжээ. Тэд хулгай, танхай, дээрэм, зам тээврийн осолд холбогдон шүүхээс ял сонссон байна. Үүнээс гадна, өмнө нь ял шийтгүүлж байсан хүн дахин гэмт хэрэгт холбогдох нь их байна гэж Шүүхийн ерөнхий зөвлөлийн ахлах референт С.Билгүүн хэллээ.