Шуурганд төөрсөн хүүг эсэн мэнд олжээ

Шинийн хоёрны өдөр Дундговь аймгийн Адаацаг сумын гуравдугаар багийн Тал булгийн-Адаг гэдэг газар нутагладаг малчныхаас оройн 18.00 цагийн үед 14 настай хүү гэр рүүгээ гараад шуурганд төөрсөн хэрэг гарсан.

Хүүгийн гэрийнхэн оройн 22:34 цагийн үед аймгийн Онцгой байдлын хэлтэст дуудлага өгснөөр Онцгой байдлын газрын есөн албан хаагч, орон нутгийн 40 иргэн эрэн хайх ажлыг эхлүүлжээ.

Шуурганд төөрсөн хүү нутгийн айлд очиж амь аврагдсан байна.