ШУУРХАЙ МЭДЭЭ: Трамп Умард Солонгосын удирдагчтай хийх уулзалтаа цуцаллаа

АНУ-ын Ерөнхийлөгч Доналд Трамп Умард Солонгосын удирдагч Ким Жон Унтай хийх уулзалтаа цуцаллаа гэж дөнгөж саяхан Цагаан ордноос мэдээллээ.

Өмнө нь тэдний хийх дээд хэмжээний уулзалт ирэх 6 дугаар сарын 12-нд Сингапурт болохоор товлогдоод байсан. Гэвч Цагаан ордны зүгээс тус уулзалтыг ийнхүү цуцлах шийдвэрийг гаргаад байна.

Мөн Умард Солонгос "Пхунгери" цөмийн талбайн зүүн хойд хэсэг орших газар доорх 2 дугаар хонгилоо өнөө өглөө орон нутгийн цагаар 11 цагийн орчимд дэлбэлж устгаад байгаа юм.