Шувууны фермээс томуу илэрчээ

Нидерландын Утрехт хотоос холгүй байх шувууны фермээс шувууны томуугийн вирус илэрлээ. Вирусийг тараахгүйн үүднээс фермын 150 тахиаг бүрэн устгалд оруулсан бөгөөд хөл хорио тогтоосон байна. Үүнээс гадна өнгөрөгч ням гарагаас эхлэн тус улсад тахианы мах, өндөг, сангас зэргийг зөөвөрлөхгүй байхыг анхааруулж, 72 цагийн хорио тавьсан аж. Харин тус фермийн ойролцоох 16 шувууны фермд 30 хоногийн хорио тогтоожээ.