Швед орноор аялацгаая: Эзэн хаан Карл XVI Густаф

Өнөөдөр та бүхэн энэ улсын эзэн хаантай танилц. Хааны ордноос тийм даалгавар ч ирлээ надад. За тэр яахав, ажилдаа оръё. Шведийн Хаан Карл XVI Густафийн талаар товчхон...

• Шведийн Хаан Карл XVI Густаф Фолке Хубертус нь 1946 оны дөрөвдүгээр сарын 30-ны өдөр Ханхүү Густаф Адольф, Сачен-Кобург-Готагийн гүнж Сибиллагийн тав дахь хүүхэд бөгөөд айлын ганц хүү
• Эцэг Ханхүү Густаф Адольф нь 1947 онд онгоцны ослоор харамсалтайгаар нас барсан. Харин Эх Гүнж Сибилла нь 1972 онд Стокгольм хотод насан эцэслэжээ.
• Карл XVI Густаф нь 1950 онд Угсаа залгамжлах Ханхүү болсон бол 1973 оны есдүгээр сарын 15-нд 27 насандаа Шведийн улсын төрийн тэргүүн болсон.
• Тэр Стокгольмд Хааны ордонд бага ангийн боловсрол олгох хичээлээ заалгаж эхлээд дараа нь Броомсийн мөн 1966 Сигтунагийн дунд сургуульд элсэн оржээ

• Угсаа залгамжлах Ханхүү 2.5 жилийн хугацаат цэргийн алба хаасан
• 1968 онд Усан цэргийн офицерийн шалгалтаа өгсөн. Цэргийн сургалтаа Шведийн Үндэсний Батлан хамгаалахын Коллежид үргэлжлүүлсэн
• 1968-1969 онд Угсаа залгамжлах Ханхүү Уппсалагийн их сургууль, Стокгольмийн их сургуульд түүх, улс төр, социологи, санхүү, эдийн засгийн сургалтын програмд хамрагджээ.

• Ханхүү Карл нь Нью-Йорк дахь НҮБ-ын дэргэдэх Шведийн Байнгын төлөөлөгчийн газар, Шведийн олон улсын хөгжлийн хамтын ажиллагааны газар /SIDA/-ын үйл ажиллагаанд оролцсоноор олон улсын харилцааны туршлага хуримтлуулсан байна
• Английн Лондон хотод Хамброгийн Банк, Шведийн ЭСЯ, Шведийн Худалдаа, аж үйлдвэрийн танхим, Францын Нэвэрс хотод Алфа Лавал плант компанид ажиллаж байв
• Угсаа залгамжлах Ханхүү байгаль болон байгаль орчны хамгаалах тухай сонирхлынхоо дагуу 1972 онд Стокгольм хотод хуралдсан НҮБ-ын Байгаль орчны тухай хуралд оролцож байв
• 1970 онд тэрээр Япон Улсын Осака хотод болж өнгөрсөн Дэлхийн үзэсгэлэнд оролцох Шведийн төлөөлөгчдийн тэргүүнээр явж байв
• Угсаа залгамжлах Ханхүү нь 1972 онд ХБНГУ-ын Мюнхен хотод болсон Олимпийн тоглолтын үеэр орчуулагчаар ажиллаж байсан Силвиа Соммерлат гэх бүсгүйтэй танилцжээ.

• Силвиа Соммерлат нь Баруун Германы бизнесмэн Волтер Соммерлат болон түүний бразил гаралтай гэргий Алис ни де Толедо нарын гэр бүлд 1943 оны 12 дугаар сарын 23-нд төрсөн
• 1976 оны гуравдугаар сарын 12-ны өдөр Хаан Карл XVI Густаф, Силвиа Соммерлат нар сүй тавьснаа зарлаж, тэр жилийнхээ зургаан сарын 19-ний өдөр Стокгольмд гэрлэсэн байна
• Хаан Карл XVI Густаф, Силвиа Соммерлат нь гурван хүүхэдтэй бөгөөд Угсаа залгамжлах Гүнж Викториа нь 1977 оны долоодугаар сарын 14-нд, Ханхүү Карл Филипп нь 1979 оны тавдугаар сарын 13-нд харин Гүнж Мэдэлайн нь 1982 оны зургаадугаар сарын 10-нд мэндэлсэн байна
• Хааны гэр бүл нь 1981 он хүртэл Стокгольмийн Хааны ордонд амьдарч байгаад Дроттнингхольм ордон руу нүүжээ.
• Хаан нь Шведийн Үндсэн хуулийн дагуу албан болон ёслолын үүрэг гүйцэтгэдэг. Гадаадад төрийн айлчлал хийх буюу гаднаас ирж буй төрийн айлчлалыг хүлээн авдаг.

• Тэрээр Парламентын жил болгоны чуулганыг нээж, Засгийн газрын бүрэлдэхүүнийг хэлэлцэх тусгай зөвлөлийг даргалдаг.
• Мөн Гадаад харилцааны Зөвлөлдөх зөвлөлийг тэргүүлж, Шведийн Вант Улсад суух Элчин сайд нарын ИЖБ-ийг хүлээн авдаг юм байна.
• Парламентын Дарга, Засгийн газрын гишүүн, сүм, батлан хамгаалах, Швед болон гадаадын байгууллагуудын төлөөлөгчдийг хүлээн авч уулзах нь Хааны өдөр тутмын ажлын нэг хэсэг болдог
• Хаан Карл XVI Густаф нь хүүхэд наснаасаа эхлэн Скаутын хөдөлгөөнийг сонирхож эхэлсэн бөгөөд 1977 онд Дэлхийн Скаутын Холбооны Хүндэт Ерөнхийлөгч болжээ.
• Тэрээр Швед болон гадаадад болж байгаа скаутын үйл ажиллагаанд байнга оролцдог байна.
• 1988 онд WWF-ийн Шведийн салбарын Ерөнхийлөгчөөр сонгогдсон.

• АНУ-ын Байгаль орчныг хамгаалах нийгэмлэгийн шагналаар шагнуулж байжээ.
• Хааны Карл XVI Густаф нь урлаг, хөгжим, хоол сонирхдог бөгөөд ан хийх, усанд сэлэх болон усан спорт, мото спорт, цанаар гулгах дуртай гэнэ.
• Тиймээс ч хааны гэр бүлийнхэн өвөлдөө эцэг, эхээс өвлөгдөж ирсэн Жэмтлэнд мужийн Сторлиэн хотод байдаг өөрийн коттеджид цанаар гулгаж чөлөөт цагаа өнгөрөөдөг аж
• Тэд бас зундаа Өлэнд арлын Соллидэн ордондоо усан спортоор хичээллэж, морь унаж, цэцэрлэгт хүрээлэндээ ажилладаг.