“Siemens” компани 15000 ажилтан цомхотгоно

Европын томоохон компаниудын нэг “Siemens” концерн 15 мянган ажилтнаа халах шийдвэр гаргалаа. Эдгээрийн 5000 нь Германд, 2000 нь худалдааны салбарт, 1400 нь эрчим хүч, мөн төдий тооны хүн хотын дэд бүтцэд хөдөлмөр эрхэлдэг юм байна. Тэд ийм алхам хийснээр ирэх онд зургаан тэрбум евро хэмнэх гэнэ. Учир нь “Siemens” компанийн санхүүгийн байдал муудаж, 2012-2013 оны санхүүгийн жилийн III улиралд ашиг нь 31 хувиар буурч, 1.152 тэрбум еврод хүрсэнтэй холбоотой.