Сирийн босогчид НҮБ-ын ажилтнуудыг сүрдүүлжээ

НҮБ-ын ажилтнууд сүүлийн сард зэвсэгт бүлэглэлүүдийн сүрдүүлэгтэй тулгараад байна гэж НҮБ-ын дээд албан тушаалтан Валери Амос мэдэгдлээ. Сирийн Улаан загалмайн нийгэмлэгийн сайн дурын олон ажилтан, үүний дотор НҮБ-ын 11 ажилтан тус улсад амь үрэгдэж, хулгайлагдаад байгааг тэрээр анхаарууллаа.

4500 орчим ажилтан бүхий НҮБ-ын 15 бүлэг Сирийн засгийн газар, босогчдын аль алиных нь хяналтад байдаг бүс дэх төрийн бус болон хамтын нийгэмлэгийн байгууллагуудтай хамтран ажиллаж байгаа бөгөөд энхийн сахиулагчдын баг байдлыг хянаж байна.