Сирийн химийн зэвсгийг устгах ажиллагаа эхэлжээ

Сири дэх химийн зэвсгийн бүх нөөцийг ирэх 2014 оны дунд үе гэхэд устгаж дуусгахаар АНУ болон ОХУ хэлэлцэж тохиролцсон юм. Үүний дагуу олон улсын зэвсэг хураах багийн шинжээчид Сирид очиж, химийн зэвсгийн нөөцийг устгах ажиллагааг эхлүүлээд байна. Хэдийгээр Сирид иргэний дайн үргэлжилсээр байгаа ч ерөнхийлөгч Башар аль-Ассад НҮБ-ын химийн зэвсгийг хориглох конвенцид нэгдэх түүхэн шийдвэр гаргаснаар тус улс дайны үеэр элссэн анхны орон болжээ.